«

»

五月 15

愛情技巧︰表白有用嗎?

收到幾十個網友的愛情疑難問題,大部份都係兩個問題︰

大約一半的人係︰唔知個女仔鍾唔鍾意我,好似曖昧緊,有d 機,可以點做好?

另一半係,我表白左,唔成功,可以點救返佢?

 

我諗大部份男人的愛情思路是這樣的︰

唔知個女仔鍾意我 ==> 表白博一博,咪知囉==>表白衰左==>諗點補救
等同人去賭大細,賭完輸晒又唔認輸,

輸左又想借財仔返本,

結果越輸越多,輸身家。

Picture

表白等於all-in,你賭得起嗎?

 

事實係,溝女等於買股票,唔該做下資料搜集,睇下年報先做決定。

眼光錯左,唔緊要,要止蝕離場,同埋檢討下錯乜學到d 乜。

當然,學玩股票前,正常人都會買下d 股票入門書睇下。

之於愛情,可以留意下我個blog。

 

我曾經有位學生,在未認識戀愛技巧前,曾經多次追女仔失敗。

不是收好人卡,便是被人當作觀音兵。

姑且稱他做A。

 

你可能以為他很宅,又或者是矮窮醜 (高富帥的相反)

錯晒!emotion

 

矮?A 身高正常,至少一米七。

窮?大學生一名,有正當職業。

醜?他樣子很討好,至少相貌不在我之下,只是有點孩子臉。

而且身穿名牌,看他外表,你會以為他溝死女的溝女王。emotion

 

Picture

靚仔,一定溝死女嗎?

 

他對我說,很多女生一開始對他也不錯,

只是,過了一陣子,就出問題。

 

A 在認識我前,對上一次遇到一個心儀對象,

在不上不落的曖昧期,他不知所措,

他就請教了一位有3,4 次拍拖經驗的男性朋友。

 

那位好朋友語重心長的跟他說︰

「拿,拍拖呢D野,就講 feel,

佢一係鍾意你,一係唔鍾意你,

佢鍾意你就咩都受,唔鍾意你就咩都無用,

拿,表白啦,二分一機會,去啦」

 

A 聽了這位情場路上的師兄建議,

就跟他的暗戀對象表白了。

 

結果,被拒絕了。 emotion

 Picture

誠意,真係可以感動對方?

 

就因為這樣,A 在網絡上找解決方法,

幾經轉折,認識了我。

 

這時,他遇到另一個心儀對象,是同公司另一部門的女同事。

他找我求助,你想也想不到,

原來A 是跟我認識的,在網絡的世界從遇了。

而給A 表白建議的那位朋友,我也認識。

 

因為緣份的關係,我私下教授A 怎樣跟這位同事打開話匣子、拿電話,

再教他怎樣跟女同事聊電話、發短訊,

結果,他竟然就這樣,得到了他的初戀。 emotion

(再在之後的一星期內,由男仔變成了男人)

 

過程,沒有表白。

也沒有送花、送禮物。

 

告訴你一件更驚人的事,

由拿她電話,到接吻確立關係,不到一星期。 emotion

 


其實A 的朋友有句話沒說錯︰

「佢鍾意你就咩都受,唔鍾意你就咩都無用」

 

只係,好多時,呢個世界唔係非黑即白,世上存有灰色地帶

A 果句話跟以下一句無乜分別︰

「你好彩既是旦買一隻股都會升,你唔好彩既買邊隻都會跌」

咁去論證投資唔使學,幫到你理財致富嗎?emotion

 

Picture

 香港的學生缺乏邏輯訓練,要改善下思維謬誤

 

愛情上都有灰色地帶,

好多時,佢未鍾意你,你太快展露興趣,會壞事。

又或者,佢呢刻同男朋友蜜運中,你時機不對去表白,一樣衰。

 

再講,表白犯左一樣戀愛學中的中忌︰

「將做決定的責任交給女方」emotion

女人天生都唔想做決定,所以先要男人帶領

你迫一個女人做決定,女人好多時會基於逃避風險,

而拒絕一個未100% 肯定鍾意既人。

 

基於演化心理學,女人跟一個男人一起是很有風險的,

你可能搞大了她的肚,拍拍屁股就走,孩子就要留給女方養,

女的在繁殖過程,負出的代價比男的多千百倍。

所以女方理性迴路,會告訴她盡量規避風險。emotion

 

男人在戀愛中要成功,是誘導出女性的情緒,

令她的情緒蓋過她理智,她便會跟你做任何事。

 

 Picture

 太多男人,用理性去談戀愛,結果因為理性失去談戀愛的機會

 

在女方合下雙眼等待心儀的男人接吻時,

男方問她︰「我可唔可以錫你?」

大殺風景!!

 

表白的原理一樣。

要女人的理性做選擇,傻得很!!

 

理性從來唔係一個人做事既源動力,

對住女人係要「帶領」(lead),唔係「請求」(ask for)

 


表白失敗,

不僅代表你今次失敗。

而且會弄到大家面阻阻,氣氛怪怪。

更重要的是,她口頭上拒絕了你,她以後的行為會繼續保持一致性。

 

你知道嗎?

二戰時,落在德軍的美軍戰俘,為甚麼很多會變節?

因為一開始,德軍會逐步令戰俘口頭上批評美國,再誘他們寫悔過書,

到後來戰俘為了一致化自己的行為,會跟自己說︰「我的確很反對美國的做法,討厭美國」

最後,便變節了,公開在鏡頭面前批評美國。

 

Picture

  原來很多人是洗腦專家,令到心儀對象討厭自己

 

我只想講,每次拒絕,甚至口頭批評,

會強化你對一件事的厭惡感。emotion

 

所以,無把握前,不要以為表白可以博一博,

每次表白,等於「晒冷」,

每次表白失敗,幾乎等於輸清袋,甚至輸突。

 

可能你問我,表白失敗,點算?

告訴你,大多數情況都救唔返。emotion

 

除左好少情況,例如佢有少少鍾意你,

但在二揀一的情況下,揀左第二個。 (無論第三者,定二個爭一個單身女仔)

呢種,幾時都有得救,只要等對家感情淡左落黎,可以再來過。

 

如果你係對方完全無俾你吸引到,甚至少少好感都無,

我只可以教你,等幾個月「洗底期」再來吧。

因為本身的印象太負面,只有透過時間淡忘你的負面印象。

 

如果你仲不識趣,三日唔埋兩日煩住人︰

「點呀,你呢幾日得唔得閒出來?」

「我問左你幾十次,你feel 唔到我好鍾意你嫁咩?」

「我好有誠意,點解唔俾個機會我?」

「我有咩唔好?我可以改架」

 

 Picture

用錯方法,一味示好,只會變成女人眼中的蒼蠅

 

當然,你真係要要玩「敗者復活戰」,

問下自己係咪有大轉變,先好再試。

 

舊方法,只會換來舊結果。

甚至更差的結果。 emotion

 

洗底期,只係俾機會你,

可以好像一個剛認識她的人, 從新來過。

當然,一定比一個新認識的人差,因為己有既定印象。


至於有網友問我,點表白先好呀?emotion

 

我唔會答。

 

正如你問一個醫生,點樣用把餐刀做內科手術?

答你,等於害左你。

等於,支持你做一樣錯既野。

 

本身,樣工具有問題,

做到,都係夾硬來。

 

你可能會問我,大把人表白,之後個女仔做左佢女友喎?

我只可以講,本身個女仔已經鍾意左個男仔,

表唔表白,都會同個男仔一齊。

 

只係,如果個女仔未夠鍾意,你迫佢做決定,

佢會拒絕。

 Picture

老屈女人跟我表白,比向女人表白更有效

 

但你會問,除左表白,點知個女仔鍾唔鍾意我?

當然,除左表白,有更好的方法吧。

 

表白,已經將主動權給了對方︰

溝女攻略-表白潛台詞

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

Comments

comments

上一篇

«

下一篇

»

2 comments

  1. 1
    happyzero

    睇左你?回應我又學多好多野,今次我反而想問下假設(我溉真事)你想freeze out個女仔到七月,而佢又無啦啦whatapp返你,甘我覆吾覆返佢好?(因為我想賺多一口先覆佢)

    2我今日同尋日都到過三聯,天地同商務都見吾到你地本著作,其實本書出左未?另外買左之後上黎meeting的話司可吾可以幫我響本書到簽名

    thank you kino

    1. 1.1
      Kino

      1. 咪貪勝不知輸,見好就收,咪太擺架子。
      愛情不是講輸贏,是講雙贏
      2. 呢個禮拜尾應該落到書局。
      帶新書來meeting,無任歡迎;當然,來19/5個新書會,當然更好。

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>