«

»

五月 14

戀愛技巧:短訊溝女攻略(四) Q&A

上文提要︰

戀愛技巧:短訊溝女攻略 (一) 字數鬥少就得??
戀愛技巧:短訊溝女攻略 (二) 留伏線,製造懸疑
戀愛技巧:短訊溝女攻略 (三) When to Do

 

前幾篇講左好多短訊技巧,

同埋戀愛學的一些基本概念。

 短訊溝女

 短訊傳情,有幾多人做到?

 

今次呢篇,會以問答 Q&A 形式,

解答讀者的短訊溝女疑難,同釐清一些常犯錯誤︰

 


1.你講咁耐短訊,但我無個女仔電話,點算?

 

答︰

出去識下女仔啦,參加多d課外活動、義工、聚會,甚至你可以返教會。

再毒d,上下交友網站(key 8、3男2女、友緣人),玩下交友apps (skout、 微信、sayhi)

參考呢篇文章︰〈戀愛技巧: 交友Apps 溝女攻略

 

短訊溝女

 先要識到女仔,先有得溝女

 


2. 點拎女仔電話?

答︰

傾到有咁上下,大家有互相交流話題,咪搵遲下約出來,拎電話。

各處地方都係大同小異,街頭搭訕or 落club 就比較考技巧,因為機會轉瞬即逝。

 

 


3. 一開始拎左女仔電話,點做好?

 

答︰

大部份毒男會諗︰「拎左電話,咪掂囉。」

咪傻啦……之後的東西比你所想像中複雜。

大把悶男一開始會係咁問女人問題︰

「你做緊乜?」

「你做邊行?」

「你平時鍾意做乜?」

 

審犯咩? 咪傻啦。

唔該,你要主動提供話題。

 

好多男人以為,一開始,咪大家講下大家資訊,

職業、家庭狀況、喜好、朋友圈子,

起初幾日,講下講下,係幾爽emotion

 

過左1,2 星期,

到大家講晒你地D 底勢,仲有咩好做?

問題浮現了,傾到無野好傾,開始dead air 了。emotion

 

因為,大部份人不懂開新話題,同埋延伸話題,

開咩話題?越無厘啦間越好。

呢度講唔到咁多,娛樂新聞、潮流野、趣事都可以

切忌講財經、政治、宗教,太serious了

 

好多男人係咁樣延伸話題….

女︰我以前養過狗仔
男︰ 係牙,咩狗來?
女︰迷你史納莎。
男︰咩狗來?
女︰小型犬,長毛狗。
男︰哦,咁佢平時食咩?
女︰狗糧,間中餵下零食俾佢。
男︰咩牌子既狗糧?
女︰希爾思。
男︰……

 

咁一味問,先唔好話你煩,

當條女本身好冧你,好有耐性咁答你。

 

只係,你根本無開到新話題,

係一味集中一個話題,搾乾一個話題,

問到越來越深入,結果轉唔返出來。emotion

 

等我教大家短訊溝女啦!

 

你可能話,到時轉話題咪得囉,

但夾硬轉出來時,好突兀,

好破壞氣氛。

只會話俾人聽,你dead air 左,顯示社交能力好低。

 

短訊溝女

 現實中,dead air 一d 都唔型!!

 

對不起,社交能力係男人吸引力的主要開關之一。

搞不好延伸話題,你不用三震,便可以出局了。

好吧,我示範一下怎樣才算有營養的對話。

 

女︰我以前養過狗仔
男︰ 係牙,咩狗來?
女︰迷你史納莎。
男︰我以前都養過狗仔,果時好細個,比高犬,同你果隻一樣係小型犬。
女︰係咩?點樣架?
男︰(可以用手機show相,即刻上網搵都得) 好cute 架,Snoopy 咪係比高犬黎囉。係呢?你鍾意貓定狗多d?
女︰狗仔。
男︰你知唔知鍾意貓同狗既人性格唔同架?
女︰係咩?
男︰鍾意貓既人性格……,而鍾意貓既人……
女︰哇,你咁勁既!你讀心理學架?
男︰哈哈,遲下熟下先話你聽。
女︰唓。
男︰咁想知,我同你一人交換個秘密……

 

咁樣,我已經開左好多個話題。

當中運中了很多溝通技巧,你看到嗎?

不單我,我很多學員都可以做到;而且是對著一個陌生女孩。

參考呢段片︰

 

我們的學員在課堂上觀過我足本版的搭訕片段,

他幫我統計過,4 分鐘的時間,總共開展了約20 個話題。

 

越開得多話題,對溝通越有利。

一來你可以之後跳到之前開左但未延伸的話題,唔怕dead air,

二來,多話題,可以有效增加你跟女生的熟悉感。

 


4. 一日send 幾多個message 好呢?

 

答︰

視乎對方同你的氣氛怎樣,

如對方對你有興趣,一來一往,

傾幾長都唔會嫌你過份

 

對方對你無乜興趣,只係視你為普通朋友,

對方好慢覆你,又回得幾隻字。

就唔好咁密,3,4 日1 次係頂盡。

你越多短訊,只會顯得你對對方好有興趣。

(電話短訊係夾埋一齊計,你唔好打N 次電話,又發1 條短訊 ,咁黎跟自己無發多到短訊)

 

當對方對你無興趣,你對佢好有興趣,

對方收到你的短訊,只會覺得「煩」

你就係狗公。emotion

 

短訊溝女

 看懂情場上的訊號,你會避免很多不必要的意外

 

至於你想知點知對方對你有興趣?

我地稱為綠燈訊號,基本上有幾點比較易講︰

  • 對方問關於你的工作/興趣/戀情
  • 你同佢對話,話題有不少部份圍繞你
  • 你講你喜歡一樣東西,對方會謀求認同

 


5. 對方唔覆我短訊,點算好?

答︰

有人會建議你︰「唔覆咪追call,追到佢覆為止」

你絕對可以咁做,因為大部份男人就係咁做

只係咁做,你會嚇怕對方,俾壓力對方emotion

 

短訊溝女

 面對女方的冷淡回應,真的需要這樣煩惱嗎?

 

首先,你先諗下幾個可能性,點解對方唔覆你?

1. 對方可能忙,或者miss 左你條短訊,所以唔記得覆

2. 你句短訊缺乏延伸對話點,同埋無「留白」

3. 你已被定型為悶男/ 追求失敗者/ 狗公,對方唔想回你

4. 隔幾耐,視乎你地親密度。如果已拖手/接吻,可以隔一晚。

如果只係普通朋友,最少隔3 日。

 


6. 點用短訊約女仔出來?

 

答︰

你絕對可以用短訊約女仔出來,

只係約到出黎既機會打返3 折。emotion

 

第一次約會,切忌用短訊約。

因為對方會諗好多野。

 

短訊溝女

 不要誇大文字溝通的功效,除非你滿足於 cyber sex

除非,對方已經好鍾意你,

你就可以懶懶閒咁約。

 

至於點邀約,

我唔重覆,自己睇返我之前篇文︰

〈約會邀約的秘訣〉

 


7. 係咪淨係短訊就溝到女?

 

答︰

答案好簡單,唔係

 

如果以技巧以言,文字係最易學到

難度比較而言,

短訊︰電話︰當面傾計= 1:9:3 emotion

 

因為短訊可以俾時間你諗,

而當面易講野,因為有身體語言搭救,同埋可借場景展開話題

 

短訊溝女

要俘虜女人的心,一定要懂講電話的秘訣

 

聲音溝通最難,唔信你聽下廣播劇,

有幾多人可以可做到,用聲音講故事?

 

電台俾網絡同電視淘汰,因為欠畫面刺激,

人類的感覺來源,有90% 來自畫面

如果你懂得用言語令對方腦海裏創造畫面,

你一定能激起女人的情緒。emotion

 

相關我覺得最有用的學問,

我推介 NLP 和催眠。

聲線控制,可以參加一些配音班。

情緒導入,則可以參加戲劇訓練班。

 


8. 你教咁多野,唔驚無人上你堂?

 

答︰

唔驚,哈哈emotion

 

因為就算呢4 篇短訊攻略,大約只係我的短訊理論的5-10 %。

還有很多東西,沒有機會詳解。

看了,也是「知其然,而不知其所以言」

 

短訊溝女

 大家聽得幾入神啊!!

 

再講,短訊技巧在整個戀愛學中,

以篇幅計、或重要性計,不到10-20%

 

其餘的課題有︰

外表配搭、聲線、話題組裝、

談話技巧、演化心理學、心態調整、肢體語言、

邂逅異性、肢體觸碰、約會流程、關係管理、性愛技巧……

 

很多人以為短訊技巧重要,因為短訊玩不好,

你得到女人的號碼後,甚麼也做不到

 

這等於說,父母見到孩子學走路,很欣慰

因為走不到路,這孩子的命途也很悲慘。

他們會整天找醫生醫治他孩子,令孩子行到路。

 

當然,踏出第一步,只是開端。

不會一步到結局。

 


9. 我無smart phone,用唔到你教的技巧,點算?

 

答︰

功欲善其事,必先利其器。

你用返d 古時武器,唔通有機會贏到飛機大炮咩?emotion

 

短訊溝女

 戰場較勁,武器勝於一切

 

當然,如果你/你的對象只有舊式手機,

基本理論都可以照用。

一樣可以「留白」,一樣可以調情。

 


10. 我可以send 短訊紀錄俾你過目嗎?

 

答︰

如果可以公開出來,你可以貼到︰感情問題信箱

不能公開,請勿發來!

如你題目吸引 (而不與之前的文章重覆),我會盡量抽時間回答。

 

如果你唔可以公開出來,又想請教,

歡迎來到我們的講座請教︰

「男仕戀愛實戰」工作坊

 

短訊溝女

工作坊,解答大家戀愛疑難

 

Wechat 的錄音功能方便易用,想知點用來溝女?

參考︰戀愛技巧 短訊溝女攻略 (五) 微信Wechat篇

 

想了解實做版的「短訊攻略」?

咖啡室碰著她(三)︰電話短訊跟進篇上

咖啡室碰著她(四)︰電話短訊跟進篇下

 


約了女生出來,約會時出做甚麼,才會吸引到女生?

請參考︰

約會技巧︰約會女生的10個關鍵 (上)
約會技巧︰約會女生的10個關鍵 (下)

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

Comments

comments

上一篇

«

下一篇

»

10 comments

Skip to comment form

  1. 5
    martin

    我係想追番我既前女朋友

    我同佢之間淨番好簡單既短訊可以聯絡大家

    佢話想同我做朋友

    而係呢段時間我想重新再裝備 包裝自己 做一個同佢唔太熟悉既人

    佢不斷 係不斷咁係短訊搵我 

    例如噓寒問暖、陪佢做某D野咁

    而我就打算一段時間之內都唔會理佢咁多

    因為我覺得如果我一直同佢有交流 我都只會係佢一個朋友或者什至狗公/兵

    而我既目標唔係咁

    你覺得我呢個做法好唔好?

    即使佢主動聯絡我都好 我都盡量少理佢好D?

     

    另外仲有就係 佢都同我一齊左一段幾長既時間

    你之前教果d招數仲會唔會work?

    我驚如果flirt得太明顯 例如你前幾篇教既 兜個圈flirt佢話同佢襯既咁

    會唔會覺得我太明顯而有左戒心?

    定係反而flirt佢 會勾番起佢鍾意我既感覺 有助我地係番埋一齊?

    1. 5.1
      Kino

      你照炒就唔work
      好多野係要融?貫通,三言兩語答你唔到

      我上堂淨係講短訊都超過2hr 啦,你個問題仲要橫跨咁多個step

  2. 4
    yin

    視乎對方同你的氣氛怎樣,

    如對方對你有興趣,一來一往,

    傾幾長都唔會嫌你過份

     

    對方對你無乜興趣,只係視你為普通朋友,

    對方好慢覆你,又回得幾隻字。

    就唔好咁密,3,4 日1 次係頂盡。

     

     

     

     

     

     

    但我之前見kino您話最短幾日,最長唔過一個月可以溝到條女,如果佢對您無乜興趣,3日傾一次計,一個月內會溝到嗎,如果個女仔應表情符號或者""哦"",""嗯"","lol"呢d我係咪唔洗覆佢?

    1. 4.1
      Kino

      你要用正確的吸引方法,否則隔幾耐都無用

  3. 3
    koach

    我想報名參加你個課程 但我搵唔到係邊到參加

    1. 3.1
  4. 2
    檸檬提子王

    youtube video 封左=.=

    1. 2.1
      Kino

      搞掂了,轉了account: lovedecode media

  5. 1
    Paul

    照你咁講,一個女仔,同你好熟,係外國讀書
    一齊上堂,做REPORT,做PRESENTATION,日日見既target,唔覆你wtsapp但係同你face-to-face好玩得既,都係唔出奇架喎:O
    但係玩得咁埋又唔係成日wtsapp,
    問過我香港拍緊拖既朋友,佢地話個女仔可能都冇咩意wo
    咁其實事實係點?
    唔該哂!

    1. 1.1
      Kino

      照你有限的資訊,係無乜機會

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>