«

»

五月 13

戀愛技巧:短訊溝女攻略 (三) When to Do

上回同上上回講左短訊中開展話題的技巧, 以怎樣發短訊,才可以吸引到女生主動回應。

原文︰ 戀愛技巧:短訊溝女攻略 (一) 字數鬥少就得??

戀愛技巧:短訊溝女攻略 (二) 留伏線,製造懸疑

 

先前兩次,都係講細位野,

今次講下宏觀野,短訊在溝女中的定位,

以及短訊溝通的基本概念。

以及短訊溝通的大忌!!!

 

Picture

用whatsapp發免費短訊, 已經令好多人少左講電話

 

你可能有以下疑問︰

1. 一開始拎左女仔電話,點做好?

2. send 短訊先?打電話先?

3. 一日send 幾多個message 好呢?

太多,又驚狗公;太少,又唔夠。

4. 如果個女仔唔覆點算好?

5. 係咪,剩係用短訊就溝到條女?

以上千古之謎,將會一一解開……

 

雖然我前兩篇文用左好大篇幅講短訊,

並唔代表,齋用短訊可以溝到女。

不過,無左短訊幫助,你溝到女的機會大降50%。

 

Picture

香港太多潮人,成日想當年

 

有人會話,我以前點點點都得,果陣都無短訊啦!

其實同你細個叫阿媽買電腦,佢同你講︰

想當年,無電腦都可以同朋友聯絡、可以做功課。

 

時代唔同,玩法不同。

未有whatsapp 前,d 女識左你幾日,就問你係咪同台。

有左whatsapp,d 女會問你有無whatsapp。

我問過好多女仔,有時因為whatsapp 太方便,電話都傾少左。

(我曾經因為唔同台,爭輸左俾個同台既男仔,明明佢話鍾意我多d)

 

坊間果D 教短訊書藉,一來好多吹水之作, 無圖無真相都算,

最可恨是,好多係D 「狗公mode」教學。

 

其中一個著名例子︰ 「不要問我愛不愛你。因為我只可以選擇愛你或更加愛你」

如果本身條女已經鍾意左你,都幾冧下。

如果本身條女剛認識你,未鍾意你,你咁做同乞求係無咩分別。

 

因為個潛框架係︰

1. 你已很喜歡她,她未喜歡你

2. 你很低價值,她很高價值

3. 你在乞求她,她在施捨給你

4.你已沒選擇權,她有權挑剔你,甚至要求你付出更多

5. 整段關係的開始,決定權在女方,只要她一點頭,就成;她擰頭,你就沒戲了。

 

看清楚嘛? 條女未鍾意你,表白係無用,

對方未鍾意你前,示愛、示好、晒誠意、送禮物;統統唔會work。

(參見︰溝女攻略 – 表白潛台詞)

 

條女鍾意左你,表白都唔係必需, 始終表白,都係比左個選擇權女人,扣吸引力。

當然有對住某d 女人,表白係必需;有d 就唔使, 點分我遲下有機會會講。

同埋,點分辨女人已經鍾意你?  

 

過早展示對女方的興趣,把你的吸引力,一下一下的扣。

大部份的男人,除左外表,根本唔識建立吸引力。

 

當扣到負分時,連電話短訊都唔覆你。

我唔係話示好、示愛、送禮物無用, 一字記之日︰「時 」。

 

太多人foucs 喺 「What to do」(做甚麼)

但,溝女的真正關鍵係︰「When to do」(何時做)

 

分唔到呢點, 有好多野太早做,你變左狗公。 太遲做,女人對你的熱情蒸發晒。

溝女時,認清自己去到咩位, 知道自己柒左定膠左, 先識行識走位︰

走前左,行慢返d;行慢左,跑快兩步。

 

好喇,言歸正傳。

拎左電話,傾電話又好,短訊whatsapp 又好, 一開始講咩話題好?

停一停,諗一諗先, 咩what to do 之前, 問下做每一步既目的。

 

我都係唔直接解答呢個問題, 用例子答你︰

點解有d 商舖一年365日,都話自己「租約期滿,執笠清貨」?

但你永遠見唔到佢執?

或者你都曾經上當,咁多間唔入,偏偏行左入去買野。

 

Picture

我老媽,經常被租約期滿騙了進去大出血

 

因為「租約期滿,執笠清貨」至少引發三個心理效應,

(1) 「租約期滿,執笠清貨」暗示入面好多抵買貨品 仲有一點更重要,

(2)有亮點;跟其他舖頭與別不同。 仲有一點更更重要,

(3)「租約期滿,執笠清貨」話你聽,過多幾日,你可能無機會再買到呢度d 野。

 

當然,入到去唔一定會買野, 但店主賺左時間令你注目,自然有機會sell 你買野。

男性既吸引力都係咁︰

(1) 你要不經意地展示價值

(2) 你與別不同,其他人無法取代

(3) 你不是無限期等待,會隨時離開的,她要好好把握

 

所以一開始,短訊電話,唔係要hard sell 自己,

係要不經意的吸引對方。

 

記得第一篇和第二篇文的貓貓圖嘛?

短訊溝女 PicturePicture短訊溝女 短訊溝女

 

作為男人,你未必明我send 呢d 圖有咩用意。

唔信你send 俾其他男性朋友, 只會換來一個問號,或者一句「無聊」去回應你

 

我想同你地講,男性同女性的大腦迴路是不同的。

男人以為用錢、用外表,甚至炫耀自己就可以吸引到女人。

錯晒!!

 

女人會從小處去評定你的吸引力, 而且,很多時是無意識下進行。

你問返佢點判斷,佢都講唔返出來,只會話︰「憑感覺囉」

 

上面幾張相,加上我之前之後的抵死對答,間接展示左我幾樣吸引力原素︰

1. 幽默風趣

2. 浪漫

3. take it easy (好多男太認真了)

4. 鍾意小動物,有愛心

5. 想照顧小動物的人,有責任心;將來一樣會鍚小朋友

 

你地實插我,唔好咁姑寒, 貼多d 圖啦

定係無貨呀?

我想講明,其實一招,可以有好多招意, 唔好睇少一張圖。

亦可以咁講,有時你唔明招意, 好多時,錯左都唔知。

 

好啦,我送多一張絕密圖出來, 益下大家。

Picture

呢張相有咩用? chur,普通狗仔一隻姐…. 係咪昆我呀?

No No No!!   唔好心急,睇埋落去先

 

短訊溝女 短訊溝女

 

呢張圖,幾好玩下, 成功令我同呢個半年無搵既女仔重新打開話匣子

中間對話,有d 私隱野唔貼, 貼d 有參考價值,俾你睇下咩叫火花同張力啦短訊溝女 短訊溝女 短訊溝女 短訊溝女 短訊溝女

仲date 埋佢出來添。

一篇blog 唔可以太長, 雖則,連開頭果幾個問題,都未答晒。

但係齋講短訊,都有排講,下篇blog 再講

 

下篇,以答問形式,交代大家對短訊的疑問。

戀愛技巧:短訊溝女攻略(四) Q&A

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

Comments

comments

上一篇

«

下一篇

»

13 comments

Skip to comment form

  1. 7
    Vibe

    電話已拎,但用什麼理由打給她?及後與她約會?

    1. 7.1
      Kino

      參考〈短訊攻略四〉
      [url]http://kinold.mysinablog.com/index.php?op=ViewArticle&articleId=3571891[/url]
      同埋〈約會邀約的秘訣〉
      [url]http://kinold.mysinablog.com/index.php?op=ViewArticle&articleId=3455757[/url]

  2. 6
    小懶豬

    tai.bb :
    睇完我覺得ok既,幾有用 多謝晒!但係我想問呢,如果女send黎話:好悶我可以點答佢?同埋大家得閒有心事就會講下.好朋友黎但唔知佢心意係點可以點做?

    當然如果到了一個火度。你也可以說要不要出來聊,你剛好在喝東西。或者說你剛好想出去喝杯東西。找不到人陪耶。要不要出來再聊都可以

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>