«

»

十一月 06

愛情技巧︰網上溝女攻略

今時今日講溝女,最快最簡單既方法當然係網上溝女

網上溝女有以下好處,一來對象多,二來唔使錢。

同埋一樣野,網上溝女唔使當面識女仔,難度比去partyclubbing低。

 

網上溝女

網上溝女由Icq年代開始,記得當時一人一個Icq number

可以輸入條件randomseach,性別、年齡、興趣都可以。

當時個個都有Icq識女仔真係好容易。

而家當然無呢支歌仔唱啦!

 

而家網上溝女大致有4種途徑:

1. forum (高登/uwants/ discuss/ 3男2女/catacat/ 2000fun)

2. facebook

3. 交友網 (友緣人、一刻館、 ec friend)

4. 交友apps (skout、 蜜蜜、遇見、微信)

 

forum 就當然係大家最常去既地方,

人氣多,而且容易搵人吹水,亦易搵到共同話題。

好多人以為,去咩自貼區可以溝到女,

你靚靚仔仔,係會有女主動add你嘅,

不過若果大家相貌普普通通,勸你唔好搵來獻醜。

你主動add人,人地都未必show你,

仲要條女主動add 你,搵埋話題?

 

仲有一點,果d自貼區,

係潮童潮女玩嘅,你仲係十八廿二仲OK,

大少少人地都笑你係阿叔啦。

 

have car

自貼唔靚仔,唔通真係買架車先約到女出黎?

 

forum 識女我覺得三種方法,

一係借意comment
對方個post,而後pm對方(咁做,其實有點狗公)。

一係就係開過有趣帖,等有人comment 你,pm 返回帖的人。

三,就係去下網聚囉,不過玩法就變左同交友活動差唔多,下次有機會先講

 

Pm 完d 女,切忌第一次傾計就話拎電話,

未拎電話,喺個論壇短訊息度約人就更加係死罪。

我會建議,最好隔第一次傾計3-4 日,先好話拎電話

當然,當中係計你地最少傾過幾次計,

你唔好3日上線一次,第二次就無啦啦拎人電話。

 

點拎電話,講晒4 個方法一次過講。

拎左電話之後點?

我建議一開頭發短訊,對方覆得無咁大壓力。

詳情可以參考︰

戀愛技巧:短訊溝女攻略 (一) 字數鬥少就得??
戀愛技巧:短訊溝女攻略 (二) 留伏線,製造懸疑
戀愛技巧:短訊溝女攻略 (三) When to Do
戀愛技巧:短訊溝女攻略(四) Q&A
戀愛技巧 短訊溝女攻略 (五) 微信Wechat篇

 

論壇識女,其實真係唔太建議花時間,

因為好多時真係可遇不可求。

啱傾既,可能個樣超唔掂,交換完張相你都唔想約人出來,

我寧願係先識個朋友,各方面吸引到你,先再諗下一步啦。

網上無樣無身份,分分鐘出到黎係個阿嬸或者男人!!

 

好啦好啦,我講最多人用來交友的比台︰Facebook

好多人問我︰「點樣可以溝我facbook 個friend list 上面個靚女?」

無他的,大部份人識女仔的方法,都係識身邊朋友的女性朋友,

一開個facebook wall,見到有個靚女comment 你個friend 個post,

又或者suggested friend list 有個靚女,就想去識人。

好多人就忍唔住,按左個add 製,

Add 完,人地問佢「who are u? 我識你架?」

好多男人都答︰「無,我想同你做個朋友姐!」

 

你諗下無啦啦add 個女仔facebook,

個女仔唔知你對人有野咩?

你話做個朋友,更加嚇人……

 

我都試過facebook 識女仔,最後做埋我女朋友。

其實facebook 識女仔難唔難?

唔難,但要大數法則,唔好諗諗個個得。

我既做法,同之前教論壇識女都差唔多。

記住,切忌無啦啦add 人,

我會用兩個做法︰

1.
入去d facebook group,開下post/ comment 一下地個post,

喺個post 傾幾句,然後再pm 傾,然後再add 對方。

都係慣常傾幾日,再拎電話。

2.
直接comment 你朋友的wall,總之comment
返個女仔個句野,

回幾句,再add,

然後還是老方法。

 

Facebook 識人,最緊要係張profile pic,

唔一定要靚仔,但最少要型,同有style,

其他相都係一樣啦,如果你著件衫又核突,d 相又kai kai 地,

係女都唔會受你啦。

然後是profile 文字,status, 同埋寫幾篇note,

Note 就懶感性咁,好似周柏豪跌爛玻璃杯一樣,都發表下偉論。

得閒就引用下Steve Jobs, 張小孄, 或者唔知邊個名人既名言。

總之包裝到自己好有內涵,又有生活態度咁啦。

尤其係個樣唔得,更加要表現出你其他優點!

點做?可以參考我facebook。

 

其實facebook 同論壇都唔係一個最好識女仔既方法,

因為d 女唔係有晒心理準備俾人approach,

好多人對陌生人有點抗拒。

我會建議交友網或者交友apps.

始終d 女想識朋友,一係就單身好悶,一係就對自己條仔不滿,

唔好講易唔易溝先,一定預左同陌生人傾計。

 

交友網同交友apps 其實玩法差唔多,

本來交友網係幾好玩,可惜有左apps 後,少左好多人玩,

一來係好多交友網有好多隱形收費,

又會整d 假靚女account
來引你俾錢做vip會員先可以回到message。

最重要係apps 應機快好多,一部手提,個個拎喺手,

但交友網,要返到屋企電腦面前先用到,仲要唔係日日online…

 

咁點樣先溝到女?

喺答呢個問題之前,我想俾大家睇兩張相。

 

ugly woman

如果有個咁既大嬏,無啦啦同你傾計,你有咩感想?

 

大佬,將心比心,

大家會嫌人地豬扒,亦都諗下自己張相會唔會好毒先?

著返光鮮d,同埋影返幾張有生活態度既相,先好話交友。

至於點執,其實唔難,有方法的。

最緊要有話題性,對方亦都可以搵野同你講下。

俾人知你唔係一個悶男,已經贏左80% 既男人。

 

Hi opener not work

以上係我同學生們的討論group,

有位學生就係因為用個hi 去做開場白,

結果send 左百幾個,都無乜回應。

經我指點後,十個有兩、三個傾到落去。

 

至於點做,後一篇再講。

識女仔技巧: 交友Apps 溝女攻略

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

Comments

comments

上一篇

«

下一篇

»

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>