«

»

七月 07

咖啡室碰著她(二)︰邂逅篇下

簡介︰這是一個真人真事的愛情故事,講述我怎樣邂逅Cafe 的可愛侍應,到相愛的故事。

由認識的開場白、對話、whatsapp 短訊紀錄,當中的戀愛技巧、心路歷程都一一展示出來。

這不單是是一個短篇愛情小說,更正確的說法,是一個戀愛報告。

 

上文提要︰

咖啡室碰著她(一)︰邂逅篇上  

 

她口邊一句︰「你等一等先…」

原來她不是聽歌,係講緊電話。

「我而家趕緊時間返工…」她對我說。

「咁好啦,再講…星期日見啦」

我衝口而出的回答了。

下一刻,我發覺我做錯了……

 

我錯過了這單獨相處的機會。

正確的做法,該是這樣回答︰

「你行呢個方向呀?我都係呢邊」

這樣,該可以贏回幾分鐘的傾談時間。

足夠交換大家資訊,

當然,更要的,是交換電話。

返回現實,錯過了就是錯過了。

只好等下一次機會。

 

如是者,又過了幾個星期日。

我不時偷偷看她,我發現她也看到了。

是好事吧,

佢唔望我,點知我望佢呢?

到了5月20 日那天,

突發的一件事,

打破了這個膠著狀態。

(不要質疑我為甚麼記得是5月20 日,因為有whatsapp 紀錄,之後貼)

到左呢日,

我早喺每週聚會之前,已經喺café果度,

因為果日係同bootcamp 學生補課。

所以5點已經喺度食野,一邊大家傾下case,同埋學習瓶頸位

到左7點零八點,開始有會員黎到café,

點知間café 話有半個場俾人book 左開party

結果,淨返幾張枱,唔係好夠d 會員坐

 

而個金毛侍應就同我講,

話間café 擴充左,喺隔離街開分店,

佢話陣間佢都調過去幫手,

叫我地可以轉場去果邊,果邊大好多

正當我地十五、十六之際,

因為要喺呢間café 搞聚會,又唔夠位,

要去隔離果間,又驚其他人唔知道轉左地點

果排有幾個網友pm 我話會到聚會,

臨時轉,又驚佢地摸門釘。

 

結果,我決定同2位學生留守舊café 大半個鐘,

睇下有無新朋友黎,

其他人就過隔離街間café 開始聚會。

想不到這個安排,為我同Daisy 製造了一個認識的機會。

你可能會擔心,我會不會又錯過這機會?

橫掂無野做,

我就決定去借d 意搵Daisy 吹水。

 

「今日好爆喎,但你好似無乜點做野」

「先唔係囉,頭先忙緊煮你個公仔麵餐。食常餐咪好囉,唔使我整!」

「原來你突登煮俾我食,開心死我」我帶點輕挑的口吻。

我又周圍行下,覆下whatsapp。

Daisy 不著聲色,走到我旁邊,

我扮唔為意佢。

Daisy︰「邊個黎呀?女朋友仔呀?」

明顯,呢個係一個綠燈訊號。

 


「唔係囉,我同緊d 網友講,轉左地點。」

Daisy︰「唓,睇你成班成日溝女啦」

我︰「哇,原來你成日偷聽我地講野」

Daisy︰「長頭髮果個女仔,幾靚丫,你女朋友呀?」

我︰「你講Sugar?佢係我partner 姐」

(Sugar 係我們唯一的女導師,

樣子可愛,試過俾café 的其他顧客搭訕)

 

結果等左大半個鐘,無人黎。我走去水吧附近搵Daisy ,

「陣間我會過隔離新果間,整張紙仔黎」

「咩紙呀,落單果d 得唔得」

我︰「寫到野就ok,我寫低個電話,

如果有人搵我Kino,

你就叫佢過去,或者打我電話」

Daisy︰「咩話?Kino,個名咁特別既!」

我︰「係呀,網名黎,廢事俾你尋仇」

Daisy︰「鬼得閒尋你仇」

我寫完個電話喺張紙度,跟手問佢︰

「係呢,我都未知你叫咩名?」

Daisy︰「Daisy」

我︰「你個名都幾特別」

我順手撕去張紙一角,同佢講︰

「你都留你你電話俾我,有咩call 你」

「你要呢度公司電話呀?」

我帶笑,認真講︰「你手提」

 

Daisy 很大聲的講︰「吓?要我電話?」

聲線很大,有點嚇親我,

但唔係反感,係有點興奮和驚喜,情不自禁的大聲了。

我把筆遞俾佢,輕聲一句︰「寫落去」

佢沒半點抗拒,把八個位的電話一個接一個寫上去。

我很興奮,很久未試過那麼興奮的交換一個電話,

有句話很對︰「期侍,會令人更珍惜一樣野」

 

我很刻意抑壓著溢於言表的興奮。

面對你心儀的女人,

你必須很刻意的,表現得不刻意。

「認真,你便輸了」

或許未必一定啱;

「表現得太認真,一定輸了」

應該更貼切。

 


對愛情認真,唔一定要表現到好刻意,

咁樣,只會嚇怕女人。

女人永遠喜歡「自然咁喜歡一個人」,

佢無法明白,要咁多巧合發生,太難了。

比較易的,是創造機會。

由我跟她搭訕,到問佢電話,再拎支筆俾佢寫電話號碼。

對好多男人黎講,好唔自然。

有好多人竟然覺得,問個女同事拎電話,都好怪。問我點搞。

我只可以講,係佢地心態問題。

 

記住,先假設認識女人,係天經地義的事,

一切會好自然發生,只要你意願堅定。

仲有一點,帶領女人,而唔係請求女人,

保持容半帶命令的口吻,千祈唔好在重要位退讓。

 

如果我果刻退讓左,

今日只係對住張寫上café 公司電話的紙仔打飛機。

更加唔會有之後既故事發生。

喺睇落去之前,撫心自問,

有幾多次,係因為你無膽,

或者缺乏準備,而把一個又一個機會搞垮了。

 

拿到電話,又怎樣展開對話?

怎樣由陌生人,進入曖昧階段?

下篇︰咖啡室碰著她(三)︰電話短訊跟進篇上

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

Comments

comments

上一篇

«

下一篇

»

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>