«

»

七月 06

咖啡室碰著她(一)︰邂逅篇上

簡介︰這是一個真人真事的愛情故事,講述我怎樣邂逅Cafe 的可愛侍應,到相愛的故事。

由認識的開場白、對話、whatsapp 短訊紀錄,當中的戀愛技巧、心路歷程都一一展示出來。

這不單是是一個短篇愛情小說,更正確的說法,是一個戀愛報告。

 

生後悔的事很多,

幾乎每天都有一兩件。

如果,如果,如果……

 

唔知你有幾多次試過,喺餐廳、咖啡室食野,

一個人又好,一班人又好,

見到可愛既侍應,總係想認識她。

內心掙扎左一陣,又唔敢去識。

最後,埋單離開後,都會心底留低一下長歎既唏噓聲。

 

年多前,我熱衷於clubbing

逄周末都流連蘭桂坊、尖沙咀大大小小的club

我曾以為自己,

對紅塵,已看透,

對愛情,已心

直至一次邂逅café 女侍應的經歷,

令我徹底改變……

 

故事,於2012年3月開始。

可是,我喺5月20 日先算真正認識到佢,

拎到佢電話。

即使是拿她電話這簡單的步驟,

也遇過幾次阻攔。

 

命運的阻撓,

卻使我們愛得更深。 

我用了2 個月這樣長的時間,去認識這位女生,

從來,我都沒有這樣的耐性。

為了她,我光顧了這間café 十幾次,

幾經辛苦,才認識到她。

cafelove

我與Daisy,到西貢相約看星星的一天,由朝到晚的一整天。

 

說笑吧,

她一直這樣認為,我是為了她才去café,

我唯有迎合她的幻想。

這是她容許我寫這個故事出來,的交換條件。

寫下這故事的原因,

因為我害怕以後再沒有這種情懷,

再沒勇氣愛得這樣徹底。

現在把這回憶化成文字,

希望在過去許多年之後能提醒自己,

我這個浪子,也曾經如此深愛過。

 

亦希望這故事的讀者,

能從中參透愛情的真諦,

也好借用我的愛情招數,

抱得美人歸。 

 

5月20 日,我們相識的日子。

520,很巧合。

也許是緣份。

也許是上天給我一個機會,

跟你講句︰「我愛你。」

 

第一次見到她,應該是2012年3 月頭的事。

我和公司的拍檔,因為要傾談黎緊公司的event,

晚上10點多,就上了旺角一間樓上café 開會。

那一夜,大家對活動的安排很多意見,

傾到凌晨一點多才離開。

我對於認識她的第一印象好淺,

反而係佢對我第一印象好深,

佢講返果日因為我地傾到好晏,阻住佢地同事收工。

所以事後,佢有同事不斷講我壞話。

 

講左咁耐,一味用「她」字來形容佢,

太翹口,太疏離了。

辜止叫她做Daisy (化名),

反正也很襯她的性格。

到左3 月中,我地成班朋友,

正式將網聚轉到Daisy間café 搞,

純粹貪佢消費唔高,又無加一,

一大班人聚會,最忌又加一,有轉野飲加幾蚊,

埋單果陣好難計數,成日收唔齊。

都唔係幫間café 賣廣告,因為Daisy都轉左工。

 

我想算是緣份,我在Daisy 轉工前的一星期左右,

先拎到佢電話,否則真係後悔一排。

我好想寫「後悔一世」,但諗起「一世」咁沉重,

我真想講唔出口。

但我相信,跟她發生的點滴,

我會銘記一生。

我只能夠用《粵語殘片》的歌詞去表達我心情︰

 

「奇怪卻是,每戀一次,

震憾總 逐漸變得越淺;

令人動心只得那次」

越愛得多,越覺得自己無法深情。

我越不信愛情,更不信天長地久。

這次,終於有位女生讓我期許跟她天長地久,

上天會如我所願嗎?

 

幾次的光顧,我留意到Daisy 。

染了一頭啡髮的女生,眼大大,

工作時紥起一條馬尾,

略施姿粉,是個可愛的鄰家女孩。

 

每次她經過我們枱時,我也偷偷看她,

當拿起手上的記事簿來落單時,我都會想跟她搭訕幾句。

「你好漂亮,我想跟你做個朋友!」

「你幾點放工?我接你放工。」

「你叫咩名?我叫xx」

然後她把手機號碼寫在紙上給我。

 

別妄想了!

現實從來唔會咁發生。

現在不是看H漫,也不是看《精裝追女仔》

咁係唔Work 架!!

跟據我多次搭訕經驗,

眾目暌暌之下,對方係唔會咁樣俾電話你,

就算喺你d 朋友面前唔怕醜,都驚俾同事唱餐死。

Picture

紅色的格調, 把Cafte 發生的故事加添幾份浪漫詩意

 

我只會側線進攻,

喺佢到我們枱落單時,

搵佢勾下水吹,趁機搵位取笑她。

 

Daisy︰你地食咩呀?

我︰有咩好食呀?

Daisy︰可以食a,b,c,d,e 餐,或者出前一丁餐。跟餐可以加20蚊有野飲…..

我︰邊個餐配天使麵好食?

Daisy︰…..

我︰點解今日咁少人?D員工仲多個D客。你地都幾好做!

Daisy︰咁啱今日節日姐,平時好多人架。呢幾日忙到成2點先收工。

我︰唔怪得你今日成日行行企企,走過黎昅我啦。

Daisy︰唓,邊有姐!唔講喇,我落單先。

我︰係咩,我賭你陣間又過黎搭訕我。

 

當然,這是陷阱。

過左陣佢要拎d 餐黎,我就可以取笑佢。

 

我︰拿,都話左你掛住我,又借d 意過黎……

Daisy︰係咩?你都幾自信過喎。

我︰做乜讚我,小心鍾意左我。

Daisy︰無你咁好氣,我做野先。

 

如是者,幾次見到她,我也是這樣跟她說笑。

我的社交直覺告訴我,她對我有點興趣。

現在欠的是,一個單獨傾談的機會,便可拿她電話。

 

直到這天,機會來了。

 

話說每個星期日,我們如常聚會,

就係同學生們分享戀愛經歷,

果日有位學生大大聲分享網絡上認識一位女生,

然後即日到對方家中發生關係的故事。

聲浪之大,鄰近的幾張枱都聽到。

 

有位金毛的男侍應,亦過來八下。

佢講︰「哇,你地搞緊speed dating 果d 網聚呀?」

我當然答佢唔係,話係一班分享戀愛經歷的定期網聚。

 

聚會途中,我上了厠所,

去完厠所出來,

我見到Daisy 喺厠所旁邊的地方,

挨著牆邊站著,一邊玩iphone。

 

「哦,你死喇,吞pop」

我終於找到單獨跟她對話的機會。

「吓?邊有啊,覆下message 姐」

我︰「話俾你經理聽」

Daisy︰「話囉,好驚呀!」

我︰「大家姐咁喎。」

Daisy︰「你地頭先果邊好嘈,講緊點溝女牙?」

我︰「唔係,我地係班宅男,成諗諗緊網絡小說題目姐」

Daisy︰「係喎,信你呀!」

 

我一邊想,傾多幾句,

應該可以交換電話。

 

正常我想搭話下去之際,

有位四眼的男侍應走過來跟Daisy 說話︰

「點呀?溝仔牙?」

Daisy︰「唔係,傾下計姐」

 

他媽的!

果位四眼仔,真係過份!

咁樣來炒喎我!

 

佢呢一句,令Daisy 的理性模式啟動,

要在眾人面前扮得矜持,

不能顯示對我太有興趣。

我只好打完場︰

「我都返返去先,唔阻你地做野」

仆街,我心諗︰「係你條四眼仔阻住晒。」

!?$¥£€

 

 

你地可能會諗︰

俾條女知道你學溝女,

佢都會肯受你?同你一齊?

 

本來我都質疑,

但結果證明,

只要你有足夠吸引力,

 

女人可以接受你任何東西。

如是者,幾次的聚會,

我都只可以同佢吹幾句水。

唔係佢對我冷淡左,

而係好難搵到時間可以同一個侍應吹水,

而唔驚動佢d 同事。

 

尤其,有位四眼仔係針對我。

我猜想,他應該對Daisy 有興趣,

所以來破壞我的好事。

 

到左4月尾定5月頭,有個星期二,

我在約旺角辦完公事,大約2pm,

在旺角中心附近,

見到一個戴住headphone,一邊行一邊聽歌既女仔。

 

望真d,原來係Daisy,

喺佢正要擦身而過之際。

我一邊在腦中搜索有甚麼啱用既開白。

「喂,Hi」

我衝口而出的,竟然係咁簡單的一句。

她停了下來,

一個驚訝的表情︰「咦,係你牙?」

到這刻為止,我們都沒有交換過對方的姓名。

 

故事如何發展?

緣分來了,我會順利認識到Daisy 嗎?

下篇︰咖啡室碰著她(二)︰邂逅篇下

 



有興趣了解箇中戀愛技巧,可參加以下課程
♥ 溝女課程: 戀愛速成班

 
想學習理影響技巧,可參加以下課程
心理影響術課程

 
讚好專頁,定期更新戀愛及心理技巧文章︰


 
收看我的Youtube頻道︰


 

讚好這篇文章︰

上一篇

«

下一篇

»

發表迴響

你的電子郵件位址並不會被公開。 必要欄位標記為 *

您可以使用這些 HTML 標籤和 attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>