五月 16

情感咨詢: 怎樣知道同學的心意?

HI 我叫 S 以下係我既個案希望你可以解答我啦 THANKS!

本人情況:
職業:學生   年齡:21        教育程度:本科
年收入:4000-5000 X 12    感情狀態:Available
身高:178cm 135lbs          容貌:7
——————————————————————————————————————
對方情況:
職業:學生   年齡:20                  教育程度:本科
年收入:~2000 (estimated) X 12     感情狀態:Available
體態:163cm               容貌:7
——————————————————————————————————————
兩地相距:同區
相識途徑:同學
親密程度:網聊過/見面過/現實都傾過
交往時間:識就識左年半,但我真係開始撩佢係1月尾2月頭既事。之前冇咩單對單傾計 
交往目的:男女朋友

事例介紹:
我先補充下個女仔既背景,佢中學讀女校既,冇拍過拖。

我感覺佢係純品, 較矜持, 慢熱同有少少嚴肅果類型 (仲有佢信耶穌)
佢好少男仔朋友 (中學女校+大學主修科都係女多)。而佢自言係一個重視獨處既人

我1月尾開始搵佢傾(用facebook),由於我2月中去北京交流到6月 所以之後都只有係facebook傾 (佢冇whatsapp)。


我多數都係2-3日搵佢傾一次,開頭傾計我成日都抽佢水笑佢,感覺氣氛唔錯
而我感覺佢都有少少留意我。我係facebook 打STATUS佢都成日comment (比起我其他熟既friend 密), 佢亦有主動搵我傾計。


好啦就咁傾下傾下到我要飛果日。佢見我facebook係機場check-in佢有主動text我say goodbye (事前我冇text佢say goodbye)


我到左北京之後都有同佢keep 住傾(都係2-3日一次) 2月開始佢多左野做。要睇好多Reading 同寫論文。


佢都有搵我 開場白多數都係講自己 eg. “i feel sleepy when i start to read == frustrated’ (我直接copy)


咁樣我有時會抽下佢水 但更多就真係關心問候佢 <== (果陣見佢想同我呻所以就SHOW我既關心。但睇Kino 你幾篇blog 之後,我發現應該多講笑抽水,減少關心…)
直到今個月2號佢仍然有搵我,劈頭一句就係”so sleepy”


好啦事情發展都係不斷咁重覆 – 傾計、傾計同傾計。有時佢搵我都係好似上面咁想呻下


反而後期有時我搵佢傾計佢D回應都有DD冷淡,我以為係佢忙唔想應我,搞到我都冇咩心機。<== (參考你幾遍blog,發現應該係自己講野悶 因為我又係”關心”佢)

我地兩個既交往情況就大致係咁
但期間我覺得有幾件事要拎出黎講下:
1)
我係4月中去左日本,寄左張postcard同護身符比佢試試水溫


佢收到但冇同我講,係有日我問佢收到未。佢先話︰”received it ytd la thanks ^^” (我直接copy) 。之後佢就轉左講”but it didnt bless me wor” (因為佢考試炒左)


我同時寄左手信比其他friend,有兩個我既close friend,都有同我講收到啦 thanks etc
我為此問過一個女仔friend。佢話如果收到意中人既禮物應該會好開心,比著佢一定會搵個男仔傾,同講多謝


所以從呢件事我自己概括出我係佢心中既地位最多都係唔錯既朋友 & 佢應該冇FEEL住 /. 至少未去到好CLOSE


咁你又點睇?

繼續閱讀 »

五月 15

愛情技巧︰表白有用嗎?

收到幾十個網友的愛情疑難問題,大部份都係兩個問題︰

大約一半的人係︰唔知個女仔鍾唔鍾意我,好似曖昧緊,有d 機,可以點做好?

另一半係,我表白左,唔成功,可以點救返佢?

 

我諗大部份男人的愛情思路是這樣的︰

唔知個女仔鍾意我 ==> 表白博一博,咪知囉==>表白衰左==>諗點補救
等同人去賭大細,賭完輸晒又唔認輸,

輸左又想借財仔返本,

結果越輸越多,輸身家。

Picture

表白等於all-in,你賭得起嗎?

 

事實係,溝女等於買股票,唔該做下資料搜集,睇下年報先做決定。

眼光錯左,唔緊要,要止蝕離場,同埋檢討下錯乜學到d 乜。

繼續閱讀 »

五月 14

戀愛技巧:短訊溝女攻略(四) Q&A

上文提要︰

戀愛技巧:短訊溝女攻略 (一) 字數鬥少就得??
戀愛技巧:短訊溝女攻略 (二) 留伏線,製造懸疑
戀愛技巧:短訊溝女攻略 (三) When to Do

 

前幾篇講左好多短訊技巧,

同埋戀愛學的一些基本概念。

 短訊溝女

 短訊傳情,有幾多人做到?

 

今次呢篇,會以問答 Q&A 形式,

解答讀者的短訊溝女疑難,同釐清一些常犯錯誤︰

 


1.你講咁耐短訊,但我無個女仔電話,點算?

 

答︰

出去識下女仔啦,參加多d課外活動、義工、聚會,甚至你可以返教會。

再毒d,上下交友網站(key 8、3男2女、友緣人),玩下交友apps (skout、 微信、sayhi)

參考呢篇文章︰〈戀愛技巧: 交友Apps 溝女攻略

 

短訊溝女

 先要識到女仔,先有得溝女

 


2. 點拎女仔電話?

繼續閱讀 »

五月 13

Kino 兩性關係情感咨詢

 如果你有任何感情上的疑難,包括邂逅、吸引、追求、戀愛、分手、異地戀、姐弟戀、忘年戀、多角戀……(不包括同性戀。)

 

Picture


  

無論你是女是男,你可以把遇到的詳細情況和問題發至「感情信箱」

繼續閱讀 »

五月 13

戀愛技巧:短訊溝女攻略 (三) When to Do

上回同上上回講左短訊中開展話題的技巧, 以怎樣發短訊,才可以吸引到女生主動回應。

原文︰ 戀愛技巧:短訊溝女攻略 (一) 字數鬥少就得??

戀愛技巧:短訊溝女攻略 (二) 留伏線,製造懸疑

 

先前兩次,都係講細位野,

今次講下宏觀野,短訊在溝女中的定位,

以及短訊溝通的基本概念。

以及短訊溝通的大忌!!!

 

Picture

用whatsapp發免費短訊, 已經令好多人少左講電話

 

你可能有以下疑問︰

1. 一開始拎左女仔電話,點做好?

2. send 短訊先?打電話先?

3. 一日send 幾多個message 好呢?

太多,又驚狗公;太少,又唔夠。

4. 如果個女仔唔覆點算好?

5. 係咪,剩係用短訊就溝到條女?

以上千古之謎,將會一一解開…… 繼續閱讀 »

五月 12

旅遊與鑽戒

當你買了一隻鑽戒,你很想擁有它;

直到你失去它,你甚至比沒有它之前更失落,更缺少。

 

如果你去完一次旅遊,你不會覺得你失去了它;

也不會覺得自己損失了甚麽。反之,你會多了一份回憶。

 Picture

鑽戒,真的能令愛情變得永恒?

鑽戒和旅遊,兩者有甚麽分別?

繼續閱讀 »

五月 08

戀愛技巧:短訊溝女攻略 (二) 留伏線,製造懸疑

上文提到在短訊中開展話題的技巧︰ 戀愛技巧:短訊溝女攻略 (一) 字數鬥少就得??

上文講過,開展話題主要有三種方法︰

1. 留伏線,使對方懸疑好奇,想追問你

2. 擦火花,使對不得不回應你

3. 你的短訊中,容易令大家開拓新話題

今次,主力講第一種。

短訊溝女

讓自己變你女人眼中的懸疑小說,使對方在猜到與猜不到之間,想追看下去

 

太多男人誤信坊間的戀愛建議︰

「記緊多講自己的東西,令對方愛上你。

你邊度讀書?做過咩工作?住邊?

甚至自己家庭成員,都要一一講俾女仔聽。」

 

最後,你們的關係,一開始好像很多東西傾。

但過了1,2 星期的「起底期」,你們就沒有新話題溝通了。 繼續閱讀 »

五月 07

短訊溝女攻略 (一) whatsapp字數鬥少就得??

怎樣用whatsapp, wechat, line, 短訊來溝女?

之前香港TVB 播出電視節目《盛女愛作戰》,

裏面有位自稱是兩性關係的專家Santino,教剩女回覆短訊時,

要做到「字數比對方少,不要做最後一個回覆。」

頓時,引起很多網民非議。

 

這是其中一個發笑的例子︰

短訊溝女

 把Santino 的理論推到極致,就會發現荒謬得很

 

我告訴大家,短訊技巧不是這樣的……

 

雖然我不太認同這所謂的短訊黃金定律,

我倒猜到他的思路是怎樣得來。

 

通常男人追一個美女時,都有一個習慣,

每次都是他發短訊找美女,然後美女不回時,他會再追覆。

結果就是︰男的往往發很多短訊,女的往往是沒有回

形成所謂的︰ 「美女的字數往往比對方少,沒有做最後一個回覆。」

 

但調轉去想,是否可行?

你回覆少,而且經常不回覆,就等於你很有吸引力嗎?

 

大家或者未必明白,我再類比一下︰

「發達了,就不用工作」

是否等於「你不工作,便會發達」?

繼續閱讀 »

第 54 頁,共 55 頁« 最新...102030...5152535455